ବଢିଲା ‘ବିଦେଶ ଶିକ୍ଷାବୃତ୍ତି’ ଆବେଦନ ସମୟସୀମା

ସୁନ୍ଦରଗଡ଼ ଲାଇଭ୍ : ଓଡ଼ିଶାର ଅନୁସୂଚିତ ଜାତି (SC) ଓ ଅନୁସୂଚିତ ଜନଜାତି (ST) ବର୍ଗର ଗରିବ ମେଧାବୀ ଛାତ୍ରଛାତ୍ରୀଙ୍କୁ ବିଦେଶରେ ଉଚ୍ଚଶିକ୍ଷା ଯୋଗାଇଦେବା ପାଇଁ ରାଜ୍ୟ ସରକାର ‘ମୁଖ୍ୟମନ୍ତ୍ରୀ ମେଧାବୀ ଛାତ୍ର ପ୍ରୋତ୍ସାହନ ଯୋଜନା’ (MMCPY) ଅଧୀନରେ ‘ବିଦେଶ ଶିକ୍ଷାବୃତ୍ତି’ (Bidesh Sikhyabruti) କାର୍ଯ୍ୟକ୍ରମ ଆରମ୍ଭ କରିଛନ୍ତି। ଏହି ଯୋଜନା ପାଇଁ ଅନଲାଇନ୍ ଆବେଦନର ଶେଷ ତାରିଖକୁ ସେପ୍ଟେମ୍ବର ୧ରୁ ସେପ୍ଟେମ୍ବର ୧୮, ୨୦୨୬ ପର୍ଯ୍ୟନ୍ତ ବୃଦ୍ଧି କରାଯାଇଛି।

ସ୍ନାତକୋତ୍ତର (PG) ଏବଂ ପିଏଚଡି (Ph.D.) ପଢ଼ିବାକୁ ଇଚ୍ଛୁକ ଛାତ୍ରଛାତ୍ରୀଙ୍କୁ ଆର୍ଥିକ ସହାୟତା ଯୋଗାଇ ଦିଆଯିବ। ବିଶ୍ୱର ଶ୍ରେଷ୍ଠ ୨୦୦ଟି ‘QS-Ranked’ ବିଶ୍ୱବିଦ୍ୟାଳୟରେ ପଢ଼ିବା ପାଇଁ ସୁଯୋଗ ମିଳିବ। ସାରା ରାଜ୍ୟରୁ ମୋଟ ୫୦ ଜଣ ଯୋଗ୍ୟ SC/ST ଛାତ୍ରଛାତ୍ରୀଙ୍କୁ ଏହି ଯୋଜନାରେ ଚୟନ କରାଯିବ।ପରିବାରର ବାର୍ଷିକ ଆୟ ୧୨ ଲକ୍ଷ ଟଙ୍କା ପର୍ଯ୍ୟନ୍ତ ଥିବା ଛାତ୍ରଛାତ୍ରୀ ଆବେଦନ କରିବାକୁ ଯୋଗ୍ୟ। ଏହି ବର୍ଦ୍ଧିତ ସମୟସୀମା ଉଭୟ ଶିକ୍ଷାବର୍ଷ ୨୦୨୫-୨୬ (ଡିସେମ୍ବର ୨୦୨୫/ଜାନୁଆରୀ ୨୦୨୬) ଏବଂ ୨୦୨୬-୨୭ ପାଇଁ ଲାଗୁ ହେବ। ଇଚ୍ଛୁକ ଛାତ୍ରଛାତ୍ରୀମାନେ ରାଜ୍ୟ ଛାତ୍ରବୃତ୍ତି ପୋର୍ଟାଲ scholarship.odisha.gov.in ମାଧ୍ୟମରେ ନିଜର ଆବେଦନ ସେପ୍ଟେମ୍ବର ୧୮, ୨୦୨୬ ସୁଦ୍ଧା ଦାଖଲ କରିପାରିବେ। ଅଧିକ ନିର୍ଦ୍ଦେଶାବଳୀ ପାଇଁ ଉଚ୍ଚଶିକ୍ଷା ବିଭାଗର ୱେବସାଇଟ୍ ପରିଦର୍ଶନ କରିବାକୁ ପରାମର୍ଶ ଦିଆଯାଇଛି।