admin
ସୁନ୍ଦରଗଡ଼ ଲାଇଭ୍ : ଓଡ଼ିଶା ଲୋକଭବନ ଭାରତୀୟ ଗ୍ରୀନ୍ ବିଲ୍ଡିଂ କାଉନ୍ସିଲ୍ (IGBC)ର ପ୍ରସିଦ୍ଧ ‘ପ୍ଲାଟିନମ୍ ଗ୍ରୀନ୍ କ୍ୟାମ୍ପସ୍ ସାର୍ଟିଫିକେସନ୍’ ହାସଲ କରିଛି। ସମଗ୍ର ଦେଶରେ ପ୍ରଥମ ଲୋକଭବନ (ରାଜ୍ୟପାଳ/ସରକାରୀ ପ୍ରଶାସନିକ କେନ୍ଦ୍ର) ଭାବେ ଓଡ଼ିଶା ଲୋକଭବନ ଏହି ବିରଳ ଗୌରବର ଅଧିକାରୀ ହୋଇପାରିଛି।
IGBC ଗ୍ରୀନ୍ କ୍ୟାମ୍ପସ୍ ରେଟିଂ ପ୍ରଣାଳୀ ଅଧୀନରେ ଲୋକଭବନ କ୍ୟାମ୍ପସ୍ ୧୦୦ ରୁ ୮୮ ଅଙ୍କ ହାସଲ କରି ସର୍ବୋଚ୍ଚ ‘ପ୍ଲାଟିନମ୍’ ବର୍ଗରେ ସ୍ଥାନ ପାଇଛି। ଏହି ସଫଳତା ଓଡ଼ିଶାର ସ୍ଥାୟୀ ପ୍ରଶାସନିକ ଭିତ୍ତିଭୂମି ଏବଂ ପରିବେଶ ପ୍ରତି ଅଙ୍ଗୀକାରବଦ୍ଧତାକୁ ଦର୍ଶାଉଛି। ଶକ୍ତି-ଦକ୍ଷ ପ୍ରଣାଳୀ, ନବୀକରଣୀୟ (ସୌର) ଶକ୍ତିର ପ୍ରୟୋଗ ଏବଂ ବୈଜ୍ଞାନିକ ଜଳ ସଂରକ୍ଷଣ। ସୁନ୍ଦର ସବୁଜିମା, ଜୈବ ବିବିଧତା ସୁରକ୍ଷା ଏବଂ ନିୟମିତ ବୈଜ୍ଞାନିକ ବର୍ଜ୍ୟବସ୍ତୁ ପରିଚାଳନା। କ୍ୟାମ୍ପସ୍ ଯୋଜନା, ଭିତ୍ତିଭୂମି ନିର୍ମାଣ ଓ ଦୈନନ୍ଦିନ କାର୍ଯ୍ୟପ୍ରଣାଳୀରେ ପରିବେଶ ଅନୁକୂଳ ଗତିଶୀଳତା।
ଏହାକୁ ଓଡ଼ିଶା ପାଇଁ ଗର୍ବର ବିଷୟ ବୋଲି ଅଭିହିତ କରିଛନ୍ତି। ଆଗାମୀ ଦିନରେ ନିର୍ମାଣ ହେବାକୁ ଥିବା ସରକାରୀ ହସ୍ପିଟାଲ, ସ୍କୁଲ ଓ ଅନ୍ୟାନ୍ୟ କୋଠାବାଡ଼ିରେ ଗ୍ରୀନ୍ ବିଲ୍ଡିଂ ମାନଦଣ୍ଡକୁ କଡ଼ାକଡ଼ି କାର୍ଯ୍ୟକାରୀ କରାଯିବ ବୋଲି ସେ ପ୍ରକାଶ କରିଛନ୍ତି। ଏହି ସଫଳତାରେ ଖୁସି ବ୍ୟକ୍ତ କରିବା ସହ ରାଜ୍ୟର ସମସ୍ତ ବିଶ୍ୱବିଦ୍ୟାଳୟଗୁଡ଼ିକୁ ମଧ୍ୟ ଏହିପରି ‘ଗ୍ରୀନ୍ କ୍ୟାମ୍ପସ୍’ରେ ପରିଣତ କରିବାକୁ ଆହ୍ୱାନ ଦେଇଛନ୍ତି।
