admin
ସୁନ୍ଦରଗଡ଼ ଲାଇଭ୍: ଲଗାଣ ବର୍ଷା, ଭୂସ୍ଖଳନ ଓ ଆକସ୍ମିକ ବନ୍ୟା ଯୋଗୁଁ ହିମାଚଳ ପ୍ରଦେଶରେ ସ୍ଥିତି ଗମ୍ଭୀର ହୋଇପଡ଼ିଛି। ଜୁନ୍ ୩୦ରୁ ଅଗଷ୍ଟ ୯ ମଧ୍ୟରେ ବର୍ଷାଜନିତ ଘଟଣା ଓ ଦୁର୍ଘଟଣାରେ ୧୫୭ ଜଣଙ୍କ ପ୍ରାଣହାନି ଘଟିଥିବା ବେଳେ ୨୫୭ ଜଣ ନିଖୋଜ ଅଛନ୍ତି। ଭୂସ୍ଖଳନ ଯୋଗୁଁ ଗୁରୁତ୍ୱପୂର୍ଣ୍ଣ ମଣ୍ଡି-କୁଲ୍ଲୁ ରାଜପଥ ସମେତ ରାଜ୍ୟର ୨୫୯ଟି ପ୍ରମୁଖ ରାସ୍ତାରେ ଯାତାୟାତ ସମ୍ପୂର୍ଣ୍ଣ ଠପ୍ ହୋଇଯାଇଛି।
ଏହି ବିତ୍ପାତରେ ୯୦୦ରୁ ଅଧିକ ଘର ଓ ସରକାରୀ ସମ୍ପତ୍ତି କ୍ଷତିଗ୍ରସ୍ତ ହୋଇଛି, ଯାହାର ଆନୁମାନିକ କ୍ଷୟକ୍ଷତି ମୂଲ୍ୟ ୮୮୬ କୋଟି ଟଙ୍କା ହେବ। ଶତାଧିକ ଟ୍ରାନ୍ସଫର୍ମର୍ ଅଚଳ ହେବା ଯୋଗୁଁ ବିଦ୍ୟୁତ୍ ଯୋଗାଣ ବ୍ୟାହତ ହୋଇଛି। ପାଣିପାଗ ବିଭାଗ କାଙ୍ଗଡ଼ା, ମଣ୍ଡି ଓ ଶିମଲା ସମେତ ୫ଟି ଜିଲ୍ଲା ପାଇଁ ‘ଅରେଞ୍ଜ୍ ଆଲର୍ଟ’ ଜାରି କରିଥିବାରୁ ପରିସ୍ଥିତିର ମୁକାବିଲା ଓ ଭିତ୍ତିଭୂମି ପୁନରୁଦ୍ଧାର କରିବା ସରକାରଙ୍କ ପାଇଁ ବଡ଼ ଚ୍ୟାଲେଞ୍ଜ ହୋଇଛି।
