admin
ସୁନ୍ଦରଗଡ଼ ଲାଇଭ୍: ଅବିରତ ହଙ୍ଗାମା ଓ ନାରାବାଜି ଭିତରେ ଶେଷ ହୋଇଛି ସଂସଦର ମୌସୁମୀ ଅଧିବେଶନ। ଅଧିବେଶନର ଅନ୍ତିମ ଦିବସରେ ଗୃହ କାର୍ଯ୍ୟ ମାତ୍ର ଏକ ମିନିଟ୍ ଚାଲିବା ପରେ ବାଚସ୍ପତି ଓମ୍ ବିର୍ଲା ‘ବନ୍ଦେ ମାତରମ୍’ ଗାନ କରାଇ ଲୋକସଭାକୁ ଅନିର୍ଦ୍ଧିଷ୍ଟ କାଳ ପାଇଁ ସ୍ଥଗିତ ଘୋଷଣା କରିଥିଲେ। ଏହି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଗୃହମନ୍ତ୍ରୀ ଅମିତ ଶାହ ଏବଂ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ସମେତ ଉଭୟ ଶାସକ ଓ ବିରୋଧୀ ଦଳର ପ୍ରମୁଖ ସାଂସଦମାନେ ଗୃହରେ ଉପସ୍ଥିତ ଥିଲେ।
ଗତ ଜୁଲାଇ ୨୦ରୁ ଆରମ୍ଭ ହୋଇଥିବା ଏହି ଅଧିବେଶନ NEET ପେପର ଲିକ୍ ଓ ଛାତ୍ର ଆନ୍ଦୋଳନ ଉପରେ ପୁଲିସ କାର୍ଯ୍ୟାନୁଷ୍ଠାନକୁ ନେଇ କ୍ରମାଗତ ଭାବେ ସରଗରମ ରହିଥିଲା। ଆନ୍ଦୋଳନରତ ଛାତ୍ରଙ୍କ ଉପରେ ପାଲେଟ୍ ଗନ୍ ଚଳାଯାଇଥିବା ଅଭିଯୋଗ ଆଣି ରାହୁଲ ଗାନ୍ଧୀ ଗୃହମନ୍ତ୍ରୀଙ୍କ ଇସ୍ତଫା ଦାବି କରିଥିବା ବେଳେ, ଅମିତ ଶାହ ଜନ୍ତର-ମନ୍ତର ପ୍ରଦର୍ଶନ ଉପରେ ଆଲୋଚନା ପାଇଁ ପ୍ରସ୍ତାବ ଦେଇଥିଲେ। ତେବେ ଗୃହ ଭିତରେ ଏବଂ ସଂସଦ ପରିସରରେ ଶାସକ-ବିରୋଧୀଙ୍କ ଜୋରଦାର ପ୍ରତିବାଦ ଓ ବିକ୍ଷୋଭ ସହ ମୌସୁମୀ ଅଧିବେଶନର ଯବନିକା ପଡ଼ିଛି।
