admin
ସୁନ୍ଦରଗଡ଼ ଲାଇଭ୍: ଓଡ଼ିଶା ପୁଲିସ୍ ସବ୍-ଇନ୍ସପେକ୍ଟର (SI) ପରୀକ୍ଷା କେଳେଙ୍କାରୀ ମାମଲାରେ କେନ୍ଦ୍ରୀୟ ତଦନ୍ତକାରୀ ସଂସ୍ଥା (CBI)ର ସ୍କାନରକୁ ଆସିଛନ୍ତି ବରିଷ୍ଠ ଆଇପିଏସ୍ ଅଧିକାରୀ ତଥା ବର୍ତ୍ତମାନର ଜେଲ୍ ଡିଜି ସୁଶାନ୍ତ ନାଥ। ଏହି ମାମଲାରେ ସିବିଆଇ ପକ୍ଷରୁ ରାଜ୍ୟ ସରକାରଙ୍କୁ ପଚରାଉଚରା ପାଇଁ ଅନୁମତି ମାଗି ଏକ ଚିଠି ଲେଖାଯାଇଥିବା ସୂଚନା ସାମ୍ନାକୁ ଆସିଛି।
ସୁଶାନ୍ତ ନାଥ ଓଡ଼ିଶା ପୁଲିସ୍ ରିକ୍ରୁଟମେଣ୍ଟ ବୋର୍ଡ (OPRB)ର ଅଧ୍ୟକ୍ଷ ଥିବା ସମୟରେ SI ପରୀକ୍ଷା ପରିଚାଳନାରେ ବ୍ୟାପକ କେଳେଙ୍କାରୀ ଓ ଅନିୟମିତତା ହୋଇଥିବା ଅଭିଯୋଗ ହୋଇଛି। ପରୀକ୍ଷା କରାଉଥିବା ଘରୋଇ ସଂସ୍ଥା ଏବଂ OPRBର କର୍ତ୍ତୃପକ୍ଷଙ୍କ ମଧ୍ୟରେ ଥିବା ସମ୍ପୃକ୍ତିକୁ ନେଇ ସିବିଆଇ ତଦନ୍ତ ଚଳାଇଛି। ମାମଲାର ସତ୍ୟାସତ୍ୟ ପର୍ଦ୍ଦାଫାଶ କରିବା ପାଇଁ ସିବିଆଇ ଶ୍ରୀ ନାଥଙ୍କୁ ଜେରା କରିବାକୁ ଚାହୁଁଛି। ଏଥିପାଇଁ ରାଜ୍ୟ ସରକାରଙ୍କୁ ଆବଶ୍ୟକ ଅନୁମତି ମଗାଯାଇଛି। ସରକାରଙ୍କ ସବୁଜ ସଙ୍କେତ ମିଳିବା ପରେ ସିବିଆଇ ତାଙ୍କୁ ସମନ କରି ପଚରାଉଚରା କରିବ।
ସିବିଆଇର ଏହି କାର୍ଯ୍ୟାନୁଷ୍ଠାନ ପରେ ଏସଆଇ ପରୀକ୍ଷା ଦୁର୍ନୀତିର ଚେର କେତେ ଦୂର ଲମ୍ବିଛି ଏବଂ ଏଥିରେ ଆଉ କେଉଁ ପ୍ରଭାବଶାଳୀ ବ୍ୟକ୍ତି ସାମିଲ ଅଛନ୍ତି, ତାହା ସାମ୍ନାକୁ ଆସିବା ଆଶା କରାଯାଉଛି।
